اه يانا منك - شريفة فاضل
كلمات: على الفقى | الحان: محمد فوزى
ياللى شغلت القلب بحبك ليل ونهار
اه يانا منك اه ياللى سايبنى فى قلب النار
اه يانا منك
اه من الفكر اللى متوهنى وشاغل بالى
اه من الشوق والنار القايدة اللى فايتهالى
اه من همى وظنى وحيرتى ايام وليالى
لا انا عارف اخرتها معاك
ولا عارفة ايه سر هواك
اه يانا منك
شوفت كتير وقاسيت من الحب وكتر اساه
لما ندانى اليك يا حبيبى رحت وراك
فى طريق مليان شوك وعذاب
ومشيت وياه
وقابلتك وشبكت القلب
وعرفتك وعرفت الحب
اه يانا منك
انت الشوق اللى مسهرنى يمر عليك
انت اهاتى فى عز الليل راح توصل ليك
والدمع الحيران فى عينيا
يبان فى عينيك
ولامتى دموعى تحكيلك
اه من صبرك وطولة بالك
اه يانا منك
- 1964 -
ليست هناك تعليقات:
إرسال تعليق
ضع تعليق وشاركنا بآرائك