ان شاء الله / بنت وولد - عادل مأمون وهدى زايد
كلمات: على التركى | الحان: عبد المنعم الحريرى
ان شاء الله .. ان شاء الله
اللى انا وانت بنتمناه
خلفة جميلة عشرة طويلة
ان شاء الله .. ان شاء الله
منايا يكون لى فى عش حياتى
خلفة جميلة من الصبيان
افرح بيهم وابقى اخدهم
كل ما اشوفهم بالاحضان
خلفة ولد تفرح بلد
فى الشدة يبقى لينا سند
لو عمرى يطول
وضرورى اقول ان شاء الله
ان شاء الله وانا كل منايا
خلفة بنت واشوفها قوام
اصل حنان البنت لابوها
زى حنان الام تمام
تخدم ابوها وامها
وحبنا فى دمها
ادعيلى وقولى ان شاء الله
بنية تكون ليا ان شاء الله
اوعى تصدق الاسطورة
ان الواد احسن من البنت
ده احنا الكل بنبنى بلدنا
والراجل اهو جمب الست
بتشتغل زى الولد
بتبنى قده فى البلد
بكرة الايام ان شاء الله
تسعدنا قوام ان شاء الله
واللى انا وانت بنتمناه
خلفة جميلة عشرة طويلة
ان شاء الله .. ان شاء الله
ليست هناك تعليقات:
إرسال تعليق
ضع تعليق وشاركنا بآرائك