يا قمر اسكندرانى - محمد رشدى

يا قمر اسكندرانى - محمد رشدى

كلمات: عبد الرحمن الابنودى | الحان: كمال الطويل

  Mp3 Format - CD Quality - 13.75 MB

MediaFire

يا قمر يا اسكندراني ..

نص عمري ضاع ف لفي ع المواني

يا قمر.. يا قمر

لفيت الدنيا ياما..

وعرفت الدنيا ياما

ما لقيت زيك ف حسنك..

يا بو أجمل ابتسامة

أرجع وأنا روحي خايفة..

طاير زي الحمامة

وألاقيك واقف تقولي: حمد الله ع السلامة

أفرح باسكندرية.. وقمر اسكندرية

وأقول دي اسكندرية يا عيني.. وقمرها ناداني

يا قمر يا اسكندراني..

نص عمري ضاع ف لفي ع المواني

يا قمر..  يا قمر

دايما وفي المعاد..

آلاقيك يا قمر تجينا

تيجي من آخر البعاد..

وترفرف ع السفينة

أنسي الليل والليالي..

ف بلاد برة البعيدة

واحس بيك ف قلبي..

فاتح شبابيك جديدة

تدخل نسمة صبية..

أقول دي اسكندرية

وأقول دي اسكندرية يا عيني.. وقمرها ناداني

يا قمر يا اسكندراني..

نص عمري ضاع ف لفي ع المواني

يا قمر.. يا قمر

ف الغربة الدنيا توهة..

والناس مالهاش أسامي

توهة ولوحدي فيها..

ومين يفهم كلامي

وأنا يا للي ف كل مينا..

بمشي وعيني حزينة

وأقول والله ماليا..

غير قمر اسكندرية

أرجع وأنا روحي خايفة..

طاير زي الحمامة

وألاقيك واقف تقولي: حمد الله ع السلامة

أفرح باسكندرية .. وقمر اسكندرية

وأقول دي اسكندرية يا عيني.. وقمرها ناداني

يا قمر يا اسكندراني..

نص عمري ضاع ف لفي ع المواني

يا قمر.. يا قمر

- 1973 -

تابعنا على تويتر