محروسة يا مصر - عفاف راضى
كلمات: مرسى جميل عزيز | الحان: محمد الموجى
Mp3 Format - CD Quality - 5.83 MB
مين الحلوة ام الحلوين
مين اللى صباحها ياسمين
واللى مساها غرام عاشقين
مصر اللى مفيش منها اتنين
واللى ترابها دواء للعين
واللى سماها دعاء الوالدين
محروسة يا مصر المحروسة
بعناية الله
من يوم ما الدنيا بقت دنيا
لما شاء الله
زرعك سواقيك ومواويلك
قناديل افراح حوالين نيلك
لا ليالى الحزن ولا الدنيا
تطفى قنديل من قناديلك
واسم الله عليك وحواليكى
وولادك ضليلة عليكى
محروسة يا مزروعة رجال
والله ما يتاقلوا بمال
فى الخطوة بيعدوا بحور
فى الطلعة بيهدوا جبال
واسم الله عليك وحواليكى
وولادك ضليلة عليكى
محروسة يا مصر المحروسة
بعناية الله
من يوم ما الدنيا بقت دنيا
لما شاء الله
تحيا مصر وتعيش مصر دايماً مصر
تحيا مصر وتراب مصر يطرح ورد وحب ونصر
لولاد مصر احباب مصر تحيا مصر دايماً مصر
تحيا مصر وتراب مصر ملح فى عين اللى ما قال مصر
موكب نور عصر العصر تحيا مصر دايماً مصر
ليست هناك تعليقات:
إرسال تعليق
ضع تعليق وشاركنا بآرائك