مصر نعمة ربنا .. مصر غنوة حبنا
مصر عاشت قبلنا .. مصر باقية بعدنا
مصر ضل وبيت وأرض
مصر أهل وناس وعرض
مصر دنيا ودين وفرد
مصر معنى وروح ونبض
مصر حب.. مصر قلب.. مصر أم.. مصر أب
لو فى يوم النور يغيم .. نور إيمانك شمسنا
لو ضلام الليل يخيم .. صوت آذانك نجمنا
لو يضيع الفجر منا .. تحت رايتك فجرنا
لو يغيب البدر عنا .. نور هدايتك بدرنا
يحميكى الاله يا أم الحياة
وتعيشى بولادك مرفوعة الجباة
يفديكى شهيدك تحيكى دماه
وفى لحظة وداعك أسمك ع الشفاه
ليست هناك تعليقات:
إرسال تعليق
ضع تعليق وشاركنا بآرائك