مكاحل - عبد العزيز محمود
كلمات: مرسى جميل عزيز | الحان: عبد العزيز محمود
Mp3 Format - CD Quality - 13.2 MB
مكاحل مكاحل يا جفون العين
مراود مراود يا رموش صفين
ويا عيني ع الحاجب يعجب ويتعاجب
عيونك لما بتسلم على المجروح ما يتألم
وليل الهم يدارى وليل الفرح يتكلم
عيون حلوة تقول غنوة وفيها الأه تساوي أهين
في كحل الجفن وفي ضله
هواك خدني وصحاني
أشوف سر الجمال كله
وأقول صحيني من تاني
وأقوم واصحى على فرحة بتتقسم ما بين اتنين
عجايب رمشك الساهي يسهيني وأنا صاحي
وأطيع أمر الهوى الناهي وأسلم أمري وسلاحي
عشان بسمة ولا النسمة شوف القسمة ونصيبي فين
- 1954 -
ليست هناك تعليقات:
إرسال تعليق
ضع تعليق وشاركنا بآرائك