قلبى حبك / يا سلام - اسماعيل شبانة
كلمات: فتحى قورة | الحان: عبد العظيم عبد الحق
قلبي حبَّك وانشغل بك واشتريت بالدنيا حُبَّك
يا سلام لو كنت تعرف قدّ إيه بافرح بقُربك
يا سلام !
فَرَّقوا بينك وبيني واشتكيت من طول بعادك
ما لقيت غير دمع عيني كان عزايا في احتجابك
والليالى عوّدتني ع الأسِيَّة
واشكي حالى للنسيم لو فات عليَّه
يا سلام لو كنت تعرف قدّ إيه بافرح بقُربك
يا سلام !
طال غيابك عن عيوني والحياة وجد وهيام
والْمنام خاصم جفوني والشجي إزاي ينام
الْحبايب كنت اشوفهم فرحانين
وانت غايب واللي حايفرَّحني مين ؟
يا سلام لو كنت تعرف قدّ إيه بافرح بقُربك
يا سلام !
فتَّحتْ زَهرة شبابي اللي روّيتها بحنانك
واتنستْ أيام عذابي اللي قاسيتها عشانك
وانت شايف فرحتي وبهجة زماني
وانا خايف م البعاد والهجر تاني
يا سلام لو كنت تعرف قدّ إيه بافرح بقُربك
يا سلام !
تابعنا على تويتر
من أجمل الأغنيات على الإطلاق.اسماعيل شبانة هو أخ لعبد الحليم حافظ لكن حظه من الشهرة ليس كبيرا
ردحذف