يا غزال اسكندرانى - محرم فؤاد
كلمات: مرسى جميل عزيز | الحان: بليغ حمدى
يا غزال اسكندرانى
يا غزال الشوق رمانى
ياغزال اسكندانى الشوق رمانى يا غزال
ع الحليوة الاسمرانى الاسمراني يا اسمراني
يا غزال الاسمرانى يا غزال
يا للى اسمك احلى من كل الاسامى
من بعيد لبعيد با وصلك غرامى
واما اغنيلك با قولك يا غزال
لا الهوا يعرف لمين ببعت سلامى
واسهر الليل غصب عنى
احضن النسمة واغنى
وادعى بالشوق ع الغزال اللى هوانى
ع الحليوة الاسمرانى يا اسمراني
يا غزال إسكندراني
يا قمر يا خدود يا ليل يا عيون كحيلة
قلبي له قصة مع القُصة الطويلة
واعمل إيه مش قادر أحكي ولا أخبي
والغريب مسكين ما حيلته أي حيلة
يا غزالي ويا غزالي يا غزال انت حلو
انت حلو في كل شيء حتى الدلال
بس يعني قصدي يعني قولي يعني
إذا كان قلبك شاريني أو بايعني
لو شاريني تصبح الدنيا ابتسامة
لو بايعني قول على الدنيا السلامة
رايح أعيش عطشان
عطشان إلى يوم القيامة
- 1966 -
ليست هناك تعليقات:
إرسال تعليق
ضع تعليق وشاركنا بآرائك