الدنيا نظامها كده - سعاد احمد
كلمات: مصطفى الطائر | الحان: على إسماعيل
الدنيا نظامها كده
والمولى رسمها كده
واهى طول ايامها كده
ولحد ختامها كده
اتحقق من الانسان
تلاقيه مسكين غلبان
مفيهوش غير بس لسان
ومروح بعد يومين
الصبح يشيل فى ذنوب
والضهر بقلبه يتوب
والعصر يروح مقلوب
واهو مهما العبد جمع
اموال مصدرها طمع
هايروح ويسيب ده وده
وهايطلع منها كده
انا وانت فى دنيا زوال
بنهد ونبنى امال
ودوام الحال ده محال
ولا دايم غير الله
واهو مهما العمر يطول
راح يجى فى وقت يزول
والسر يروح منقول
للمولى عظيم الجاه
واهو مهما العبد جمع
اموال مصدرها طمع
هايروح ويسيب ده وده
وهايطلع منها كده
بيقر علينا نهار
من الخصم من الاعمار
تتقلب فيه افكار
والرزق فى علم الغيب
وده قاعد يحسد جار
وده خد قريب من دار
وده ناسى عذاب النار
ولانه فى دور الشيب
واهو مهما العبد جمع
اموال مصدرها طمع
هايروح ويسيب ده وده
وهايطلع منها كده
- 1954 -
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك