شفت منام واحترت أنا فيه
دلوقتِي ح احكيلكوا عليه
خير إنشالله شفتي إيه
يجعله خير اللي شفتيه
والنبي قولي شفتي إيه
دلوقتِي ح احكيلوا عليه
يا مفسّرين الأحلام
عينيَّا مش ح تنام
دلّوني بس أوام
يا مفسّرين الاحلام
قوليلنا إيه المنام
شفت الميّه جايّة عليَّا
جريت ما اعرفشي جريت على فين
لقيت حوالَّيا برضه الميّة
تجري وراي على الصفّين
تجري وراكي على الصفّين
على الصفّين
إيه ..وبعدين
قفلت عينيَّا .. وبعد شوية
فتحت إيديّا .. لقيت قلبين
قلب بيحكي .. وقلب بيشكي
وانا محتاره بين الإتنين
إيه .. وبعدين
قلت سيبوني .. قاموا شالوني
والقلبين صَبَحوا جناحين
طرت معاهم .. وانا فاكراهم
عصافير من اللي تشوفها العين
العصافير كان لونهم ايه
ايوا صحيح كان لونهم ايه
ريشهم نور .. نور كان احمر
نزلت طاروا على الخدين
ولقيت روحي ماسكة في روحي
وانا بتمرجح بين ناريين
يا مفسّرين الأحلام
عينيَّا مش ح تنام
دلّوني بس أوام
يا مفسّرين الأحلام
عايزين نعرف معناته إيه
دلوقتي نحكيلوا عليه
- من اغانى فيلم "حبيب الروح" 1951 -
ليست هناك تعليقات:
إرسال تعليق
ضع تعليق وشاركنا بآرائك