حبيب الروح - ليلى مراد
كلمات: حسين السيد | الحان: رياض السنباطى
يا حبيب الروح فين ايامك وحشتني ووحشني خصامك
يا حبيب الروح فين ايامك
ايامك الحلوة اللي فاتتني يا ريت كان عمري اقصر منها
لكن الايام جت سبقتنى وانا اللي صبحت بعيد عنها
لا انا طايلة عطفك وحنانك ولا طايلة حتى حرمانك
يا حبيب الروح فين ايامك
يا حارمني من عز هناي شوف حالى باين فى عينيا
ان كنت قريب ابكي معاي وان كنت بعيد ابكي عليا
انده لي حتى فى منامك تلاقيني عروسة احلامك
يا حبيب الروح فين ايامك
انت اللي قدرت تفرحني وانت اللى عرفت تبكيني
دلوقتي لا فرح بيسعدني ولا دمعة بتريح عيني
ما يفرحنيش غير ايامك ولا يسعدنيش الا كلامك
يا حبيب الروح فين ايامك
- من اغانى فيلم "حبيب الروح" 1951 -
ليست هناك تعليقات:
إرسال تعليق
ضع تعليق وشاركنا بآرائك