يا مجربين الحب - هدى سلطان
كلمات: محمد على احمد | الحان: محمد فوزى
يا مجربين الحب قولولى
وطمنونى وريحوا بالى
الحب ايه طعمه اوصفهولى
وبيعمل ايه فى القلب الخالى
القلب لو يحتار
والفكر يشرد بيه
من قسوة الافكار
مين يرحمه ويهديه
والفكر بحره غريق
امشى فى اى طريق
يا مجربين الحب قولولى
وطمنونى وريحوا بالى
وحدى فى دنيا الناس
ماليش حبيب اهواه
احتار فى ايدى الكاس
فاضى ومين يملاه
نور الامل يغريه
ويبيع ويشترى فيه
يا مجربين الحب قولولى
وطمنونى وريحوا بالى
اوهب شبابى لمين
ومين يكون له نصيب
هاتجرى بينا السنين
ولا لقانا قريب
كتير افكر فيه
وازاى وفين الاقيه
يا مجربين الحب قولولى
وطمنونى وريحوا بالى
- اغانى فيلم "المجد" 1957 -
ليست هناك تعليقات:
إرسال تعليق
ضع تعليق وشاركنا بآرائك