ليه تشغل بالك - عبد الحليم حافظ
كلمات: مرسى جميل عزيز | ألحان: محمد الموجى
ليه تشغل بالك ليه ليه .. على بكره وتبكي عليه ليه
مين عارف ح يكون ايه .. مين عارف
اضحك وافرح من قلبك .. وانسى الدنيا وما فيها
خللي الايام تفرح بك .. وانت كمان افرح بيها
افرح بشبابك واتهنى .. ح تلاقي الدنيا بقت جنة
ليه تشغل بالك ليه ليه .. على بكره وتبكي عليه ليه
مين عارف ح يكون ايه .. مين عارف
ياما ناس بيشوفوا أسيه .. ايام وليالي طويلة
وفي غمضة عين والتانية .. لياليهم تبقى جميلة
أفرح بشبابك واتهنى .. حاتلاقي الدنيا بقت جنة
ليه تشغل بالك ليه ليه .. على بكره وتبكي عليه ليه
مين عارف ح يكون ايه .. من عارف
- 1955 من أغاني فيلم أيامنا الحلوة -
ليست هناك تعليقات:
إرسال تعليق
ضع تعليق وشاركنا بآرائك