مقدرش احب اتنين - شادية
كلمات: فتحى قورة | ألحان: منير مراد
مقدرش احب اتنين .. علشان مليش قلبين
حبيبي جوه فى قلبي ..و ده اجيب له قلب منين
العين تشوف وتميل..و تحب كل جميل
والقلب واحد بس
تهوا الجمال وتغير ..و بيشغلوها كثير
مش يعني واحد بس
وعشان مليش قلبين .. مقدرش احب اتنين
حبيبي جوه فى قلبي ..و ده اجيب له قلب منين
واسمع كلام العين .. مقدرش احب اتنين
اللى انشغلت انا بيه .. اعيش افكر فيه
واحبه هو و بس
وان كان فى عطفه بخيل.. تفضل دموعي تسيل
لحد ما تقول بس
وعشان مليش قلبين.. مقدرش احب اتنين
حبيبي جوه فى قلبي.. و ده اجيب له قلب منين
و التاني اوديه فين.. مقدرش احب اتنين
ياما العيون بتجيب.. فى كل وقت حبيب
ولا مره بتقول بس
والقلب لما مال.. نسى الجمال والمال
و خذ حبيبه و بس
و عشان مليش قلبين.. مقدرش احب اتنين
حبيبي جوه في قلبي. . و ده اجيب له قلب منين
ده القلب غير العين..ماقدرش احب اتنين
ليست هناك تعليقات:
إرسال تعليق
ضع تعليق وشاركنا بآرائك