صدقت كلام عزالى - احلام
كلمات: عبد العزيز سلام | الحان: عبد العظيم محمد
صدقت كلام عزالى
وطاوعت هواهم ليه
بقى مش تسألنى يا غالى
وتشوف ذنبى معاك ايه
ايه اللى قالوه وعادوه
علشان خلوك تهجرنى
ايه عنى لك نقلوه
ايه قولته عليه تفكرنى
كل اللى انا قولت عليه
انى مشتاقة لعينيك
ولا فيش غيرك على بالى
ولا غيرك مشغول بيه
بقى مش تسألنى يا غالى
وتشوف ذنبى معاك ايه
لو قلبى مش بيحبك
ليه بفرح لما تجينى
ليه بتمنى يوم قربك
لما بتبعد عن عينى
يا حبيبى ده منى سؤال
روح قوله للعزال
وتعالى وقولى سؤال
ازاى هايردوا عليه
بقى مش تسألنى يا غالى
وتشوف ذنبى معاك ايه
لو زادوا عليك فى ملامهم
علشان منك تحرمنى
ابقى متسمعش كلامهم
وتعالى اتأكد منى
ده انت لما هاتسألنى
راح تلاقهم ظالمنى
وهاتفهم انت بدالى
عزالى غرضهم ايه
بقى مش تسألنى يا غالى
وتشوف ذنبى معاك ايه
- 1960 -
ليست هناك تعليقات:
إرسال تعليق
ضع تعليق وشاركنا بآرائك