غنوة عمل - المجموعة
كلمات: مصطفى السبيلى | الحان: فؤاد حلمى
غنوة عمل ع السمسمية اتلحنت في بورسعيد
وفي السويس الغنوة دي اترددت مع كل ايد
عمالة تبنى ابنك وابني وتطلع الفجر الجديد
فجر الامل
طلع الصباح افراح تنادى السهرانين
هلل بنوره راح وحيا البنايين
شاوروله بايديه اللي شايلة المصدرين
قالوله اهلا يا صباحنا مشتاقين
غنى معاهم للامل وللعزم ما يعرف كلل
ياعم يا باني يا معلي بنياني
تسلم وتتهنى يا معمر الجنة
ياللي تراب بلدي في ايدك بقى حنة
خلي الزمن يسمع ويشوف بناك يخضع
ويغني للنور والامل والعزم ما يعرف كلل
- 1978 -
ليست هناك تعليقات:
إرسال تعليق
ضع تعليق وشاركنا بآرائك