يا شهر الهنا - شادية
كلمات: عبد السلام امين | الحان: حلمى امين
Mp3 Format - CD Quality - 4.78 MB
يا حليلة يا شهر الهنا يا حليلة
مدنة جامعنا زوقوها الليلة
وولادنا عملوا في البلد هليلة
وكل بيت اتلم فيه خلانه
واتلمت العيلة وعيلة العيلة
يتهنوا ويهنوا ويباركوا ويغنوا
يا حليلة يا شهر الهنا يا حليلة
وولاد حارتنا ربنا يحرسهم
مزقططين ومولعين فوانيسهم
اتلموا ع الناصية يقولوا ويحكوا
نور الصيام وجماله بيونسهم
والفرحة في عينيهم حكاية طويلة
يا حليلة يا شهر الهنا يا حليلة
رمضان يا شهر الخير يانور رباني
ده كل يوم بيفوت يزيد ايماني
وادي لياليك الجميلة بتجري
وبعودة يا شهر المحبة تاني
يا أبو الكرم يا أبو ليالي جميلة
يا حليلة يا شهر الهنا يا حليلة
ليست هناك تعليقات:
إرسال تعليق
ضع تعليق وشاركنا بآرائك