الفجر بان - اسماعيل شبانة وهند علام
كلمات: بيرم التونسى | الحان: فؤاد حلمى
الفجر بان يالا يا شبان
الفجر بان يالا يا شجعان
الفجر بان غنى يا طيور
كل الوجود يصحى فى النور
والاحتلال من ارضنا زال
وكأنه ما كان
الفجر بان يالا يا شبان
الفجر بان يالا يا شجعان
فرحة ما شافتها ممفيس فى زمان رمسيس
والنصر لما يزول العار يالا يا احرار
الفجر بان يالا يا شبان
الفجر بان يالا يا شجعان
قولوا الحقيقة فى كل مكان وبكل لسان
قولوا الحقيقة وجدنا حديد له بأس شديد
يسبك مدافع ترمى بعيد
يبنى مصانع من اسوان لجبال حلوان
الفجر بان يالا يا شبان
الفجر بان يالا يا شجعان
يا مهندسين قدامكم دور كلنا بالدور
فى كل شبر تحطوا موتور فى الارض البور
لو يشرب الرمل العطشان يصبح بستان
الفجر بان يالا يا شبان
الفجر بان يالا يا شجعان
الدور عليكوا هنا يا جنود اطلعوا يا اسود
املوا الحدود ديناميت وبارود
يرمى على حزب الشيطان جند الرحمن
الفجر بان يالا يا شبان
الفجر بان يالا يا شجعان
يا اهل التوازن يا اشراف فين الانصاف
عدونا غدار خطاف وجبان خواف
وعندكم للحق ميزان ومعانا ميزان
الفجر بان يالا يا شبان
الفجر بان يالا يا شجعان
ليست هناك تعليقات:
إرسال تعليق
ضع تعليق وشاركنا بآرائك