يا مقسمين النصيب خليتوا ايه ليا - عبد العزيز محمود
كلمات: كمال منصور | الحان: عبد العزيز محمود
يا مقسمين النصيب خليتوا ايه ليا
من يوم ما غاب الحبيب ما شوفت حنية
انا العليل والدواء فى ارض محبوبى
امانة يا اهل الهوى تقروا له مكتوبى
قولوله طال بعدكم والرد ما جانى
وازاى اشوف حيكم واحيى الامل تانى
يا مقسمين النصيب خليتوا ايه ليا
من يوم ما غاب الحبيب ما شوفت حنية
يا مقسمين النصيب ازاى بتنسونى
من يوم ما غاب الحبيب والدمع فى عيونى
صابر على قسمتى والحظ والمقدور
والصبر كان سلوتى والحب كاس بيدور
يا مقسمين النصيب خليتوا ايه ليا
من يوم ما غاب الحبيب ما شوفت حنية
يا مقسمين النصيب لو تعطفوا مرة
وتردوا ليا الحبيب احكى له ما يجرى
ده انا العليل والدواء مخبى فى جفونه
واحكيله سر الهوى عن سحره وفنونه
يا مقسمين النصيب خليتوا ايه ليا
من يوم ما غاب الحبيب ما شوفت حنية
- 1955 -
ليست هناك تعليقات:
إرسال تعليق
ضع تعليق وشاركنا بآرائك