ايه معنى الحب - صباح
كلمات: مأمون الشناوى | الحان: فريد غصن
ايه معنى الحب
ايه شكل الحب
ايه طعم الحب
اصلى ما شفتوش
ولا كلمتوش ولا جربتوش
ايه معنى الحب
قالوا العشاق عايشين فى امان
مواعيد و فراق و خصام و كلام
ساعة حنية و ليالى اسية
انا مالى و مالهم
ما يروحوا فى حالهم
مش عايزة احب
ايه معنى الحب
ده الكل يقول الحب هوان
وعذاب على طول ومالهش امان
على ايه وانا مالى
خلينى فى حالى
مش عايزة اشوفه
ولا المح طيفه
مش عايزة احب
ايه معنى الحب
قلبى بيتاخد من سيرة الحب
اصله مش واخد ابداً على الغلب
لو كان يقابلنى ولا يكلمنى
كنت اهرب منه ولا اسأل عنه
ولا ميعاد يشغلنى
ولا واد يحايلنى
مش عايزة احب
ايه معنى الحب
اصلى ما شفتوش
ولا كلمتوش ولا جربتوش
ايه معنى الحب
- اغانى فيلم "هذا جناه ابى" عام 1945 -
ليست هناك تعليقات:
إرسال تعليق
ضع تعليق وشاركنا بآرائك