فينك يا جميل - سيد اسماعيل
كلمات: محمود مصطفى السيد | الحان: عزت الجاهلى
Mp3 Format - High Quality - 4.41 MB
فينك يا جميل يا جميل فينك
وحشتنى عينيك وحياة عينك
البدر ضياه بيفكرنى بضياك وحلاوة ايامك
والفكر معاك بيحيرنى من المتهنى بغرامك
انا ولا عزول ابعتلى وقول
فينك يا جميل يا جميل فينك
وحشتنى عينيك وحياة عينك
الايام وياك كانت غنوة
غنتها عينيك ويا عينيا
دلوقتى الدنيا مهيش حلوة
وازاى هاتكون حلوة وغالية
طول ما انت بعيد
وانا اقول واعيد
فينك يا جميل يا جميل فينك
وحشتنى عينيك وحياة عينك
الناس حواليا تتهنى
بالزهر النادى وبالمية
وانا قاعد افكر واتمنى
هاتشوف لياليك امتى عينيا
وافرح بلقاك وبماضى هواك
فينك يا جميل يا جميل فينك
وحشتنى عينيك وحياة عينك
- 1954 -
ليست هناك تعليقات:
إرسال تعليق
ضع تعليق وشاركنا بآرائك