على شط الهوى - حورية حسن
كلمات: على الفقى | الحان: احمد صدقى
Mp3 Format - CD Quality - 4.91 MB
هواك بحره مالهش قرار
وقلبك فى الهوى غدار
يقربنى من الجنة
ويرمينى فى قلب النار
وانا بين جنته وناره
فؤادى فى الهوى محتار
خيالى لما فات بليل
على سهوة وصحانى
على همسة امل حلوة
عرفت السهد من يومها
ودوقت الويل وفكرى احتار
ما انا عارفة نهار من ليل
وتجرى ايام وراها ايام
وامنى النفس بالاحلام
وانا بين جنته وناره
فؤادى فى الهوى محتار
بقالى كتير وانا فى سكة سفرها طويل
مشيت فيها كأنى غريب مالهش دليل
يفوت اليوم ينسينى فى هواك روحى
ويجى الليل يصحى بالضنا جروحى
وليل ونهار على دى الحال
وانا صابرة وصبرى طال
وانا بين جنته وناره
فؤادى فى الهوى محتار
وامتى اعرف نصيبى
وقسمتى فى هواك
واعرف فين طريق قلبى اللى خدته معاك
شهور وايام وانا بجرى ورا ضله
وانادى عليه لكن مش قادرة اوصله
وكل ما افكر اقسى عليه
يتوه فكرى واحن اليه
وانا بين جنته وناره
فؤادى فى الهوى محتار
ليست هناك تعليقات:
إرسال تعليق
ضع تعليق وشاركنا بآرائك