رموش الغزال - فايدة كامل
كلمات: حيرم الغمراوى | الحان: عبد العظيم محمد
يا رموش الغزال يا كحيلة
يا عيون الحنان يا جميلة
فى همسة رمانى الننى
وفى قلبى عمل هليلة
فى صحراء الحياة وانا هايمة
لاح نور الامل وندانى
ونداه صحى روحى النايمة
وملاه ابتسام وامانى
واخدنا الكلام وسهينا
وبغير العيون ما حكينا
وبنظرة سلام صبحنا
وفى بحر الغرام مسينا
وسبحنا فى امانى نبيلة
يا رموش الغزال يا كحيلة
فى همسة رمانى الننى
وفى قلبى عمل هليلة
ونسيت اللى راح وآلالامه
ولقيتلى طبيب يداوينى
طب قلبى العليل بسلامه
وارتاحت لروحى عينى
هاوهب له حياتى وروحى
والغالى اللى واسى جروحى
ويهون كل شئ لعيونه
على السحر اللى فيها يا روحى
توهنى فى معانى جميلة
يا رموش الغزال يا كحيلة
فى همسة رمانى الننى
وفى قلبى عمل هليلة
هانعيد الحياة من تانى
على اجمل كتير يا حبيبى
يا مبدل انينى اغانى
فى عينيك جنتى ونصيبى
جمعتنا الصدف حنينا
وفى لمحة زمان حبينا
وكأنى معاك طول عمرى
عايشين فى انتظار بعضينا
وعروق المحبة اصيلة
يا رموش الغزال يا كحيلة
فى همسة رمانى الننى
وفى قلبى عمل هليلة
ليست هناك تعليقات:
إرسال تعليق
ضع تعليق وشاركنا بآرائك