الحب له اسرار - حورية حسن
كلمات: محمد الفيومى | الحان: محمد عمر
الحب له اسرار يعلم بيها المشتاق
والحب لو كان نار جنة على العشاق
الحب عهد اتنين الود جمعهم
وعين تكلم عين ولا حد يسمعهم
وروح تخاطب روح زى طير ع الدوح
والحب لو كان نار جنة على العشاق
الحب اغلى امل وكل شئ فى الحياة
والعاشق اللى انشغل يرضى بقساه وهناه
ويطوى ايامه عايش باوهامه
والحب لو كان نار جنة على العشاق
يا حيرة المشغول بيحسد الخالى
والخالى ياما يقول الحب شئ غالى
ويحسد العاشقين واحترت اصدق مين
والحب لو كان نار جنة على العشاق
ليست هناك تعليقات:
إرسال تعليق
ضع تعليق وشاركنا بآرائك