واخد على خاطرك ليه - كارم محمود
كلمات: عبد الوهاب محمد | الحان: محمود فهمى فرج
واخد على خاطرك من ايه
ومحدش بيشوفك ليه
وحشتنى عينيك الفتانة
والنظرة التايهة النعسانة
والكلمة الحلوة الولهانة
مشتاقها وبهديها اليك
واتمنى سلامك بايديك
مش بس برمشك وعينيك
واخد على خاطرك من ايه
افتكرك اكتر ما انا فاكر
اتحير اكتر ما انا حاير
والليل فى البعد مالوش اخر
بسهر بتشوق لعتابك
مظلوم بخصامك وغيابك
واتمنى سؤالى وجوابك
واخد على خاطرك من ايه
ومحدش بيشوفك ليه
- 1957 -
ليست هناك تعليقات:
إرسال تعليق
ضع تعليق وشاركنا بآرائك