روق يا جميل - ليلى نظمى
كلمات: فتحى قورة | الحان: منير مراد
روق روق روق
روق يا جميل
واضحك اضحك اضحك
اضحك يا جميل
يا سلام يا جميل لما تروق
هاتشوف لياليك كلها مواويل
والدنيا عروسة بتتزوق
روق يا جميل يا جميل روق
روق يا جميل وبلاش تنهيد
واتبسم وارمى الفكر بعيد
دى الفرحة الحلوة او اللى يكون
من غير زغرودة وشمع يقيد
ايه فى الدنيا دى يضايق
ولا يخليك مش رايق
للفرح اهتم ولا تحمل هم
اسمع مزازيك وارقص يا جميل
هاتشوف لياليك كلها مواويل
والدنيا عروسة بتتزوق
روق يا جميل يا جميل روق
ان شوفت حبيب الروح تقلان
ميهميش واوعى تكون زعلان
اتبسم واضحك تبقى سعيد
وتخلص تارك بالروقان
وان كان يهواك اهواه
واشتقاله ودوب فى هواه
ان شوفت الجو مش راح يحلو
دقى يا مزازيك وارقص يا جميل
هاتشوف لياليك كلها مواويل
والدنيا عروسة بتتزوق
روق يا جميل يا جميل روق
روق يا جميل وبلاش تفكير
لسة الايام قدامنا كتير
ده العمر يطول مع الابتسام
ويكون بالعكس مع التكشير
حلاوتها رواقة بالنا
ومعاش اللى يزعلنا
دى الايد ع الخد
ما بتنفع حد
يالا يا مزازيك وارقص يا جميل
هاتشوف لياليك كلها مواويل
والدنيا عروسة بتتزوق
روق يا جميل يا جميل روق
- 1977 -
ليست هناك تعليقات:
إرسال تعليق
ضع تعليق وشاركنا بآرائك