ادى العيش لخبازه - ثريا حلمى
كلمات: ابراهيم عاكف | الحان: على اسماعيل
Mp3 Format - CD Quality - 3.91 MB
ادى العيش لخبازه ولو ياكل تلات ارباع
وادى الشئ لاستاذه ولو تغرم علشان ينفع
الابن الوحدانى
لو قال يوم اه يانى
فيه حاجة مالمانى
الام تشور دوغرى جارتها
والجارة قوام تبدى شورتها
الواد عيان بالحصبة
هاتى جلابية تكون حمرة
واربطى على راسه العصبة
وادبحى فرخة تكون سمرة
متكدبش خبر يعنى الطب جبر
وان قولتلها وديها لحكيم يكشف عنه
بتقول ما ام حسين قولتلها
والدكتور هى احسن منه
ادى العيش لخبازه ولو ياكل تلات ارباع
وادى الشئ لاستاذه ولو تغرم علشان ينفع
اللى يكون له قضية
ولا مخالفة عادية
او شئ بالصفة دية
لو حب يجيب عنه محامى
علشان يترافع ويحامى
بيقابله صديقه خفاجة
ويقوله بلاش محامية
المسألة مش محتاجة
وبراءة ميتين المية
ومعاك هاجى انا
قصره ياخدله سنة
وقوام يصفر ويتندم
والسجن يخشه ويتبلم
مهو اصل المحاماة يا افندم
مختصة وتعرف تتكلم
ادى العيش لخبازه ولو ياكل تلات ارباع
وادى الشئ لاستاذه ولو تغرم علشان ينفع
- 1956 -
ليست هناك تعليقات:
إرسال تعليق
ضع تعليق وشاركنا بآرائك