حكاية بحار - ابراهيم عبد الشفيع
كلمات: فتحى شريف | الحان: ابراهيم عبد الشفيع
طول عمرى والبحر هوايتى
وبلف العالم بسفينتى
ورسيت على شطك يا حبيبتى
وعيونك بالحضن خدونى
ياما شوفت كتير حلوين قبلك
من قبل ما اشوفك واقابلك
كان دايماً قلبى بيندهلك
ويسابق فى الحب عيونى
ورسيت على شطك يا حبيبتى
وعيونك بالحضن خدونى
يا سلام على الرقة البحراوى
وانا عاشق للبحر وغاوى
فى عيون يوصفها مغناوى
برموشها الحلوين شبكونى
ورسيت على شطك يا حبيبتى
وعيونك بالحضن خدونى
فتافيت السكر فى طعامتك
وحلاوة الدنيا دى حلاوتك
شوفتك حبيتك واختارتك
ورموشك شطين ندهونى
ورسيت على شطك يا حبيبتى
وعيونك بالحضن خدونى
- 1981 -
ليست هناك تعليقات:
إرسال تعليق
ضع تعليق وشاركنا بآرائك