التلغراف - سعاد احمد
كلمات: احمد جعفر | الحان: سامى الغندور | توزيع موسيقى: سامى الترك
بس تعود وتقولى عواف
اصلى عليك فى الغربة بخاف
لو هاتكون مش عايز تيجى
راح اجيبك بالتليجراف
هابعت اقولك احضر حالا
الا ياخدنى الهوى ولا اجيش
لو تتأخر عن كده حبة
يا حبيب قلبى ما هاتلاقنيش
هو الشوق ده شوية عليا
لو تسألنى مخلاش فيا
لو هاتكون مش عايز تيجى
راح اجيبك بالتليجراف
انا قلبى منديل بيهفهف
ويشاور بايديه لهواك
والازهار والطير والقمرة
والناس اللى شافونى معاك
الكل بيسألنى عليك
يبقى ازاى مشتاقش اليك
لو هاتكون مش عايز تيجى
راح اجيبك بالتليجراف
متسبنيش فى الحيرة لوحدى
متسبنيش للشوق والويل
يالا تعالى علشان تقاسمنى
شوقى وحبى وسهر الليل
عندى كلام وكلام علشانك
عمرك ما سمعتوش فى زمانك
لو هاتكون مش عايز تيجى
راح اجيبك بالتليجراف
- 1974 -
ليست هناك تعليقات:
إرسال تعليق
ضع تعليق وشاركنا بآرائك