أمسكوا الخشب - مها صبرى
كلمات: فاروق صالح | ألحان: عمار الشريعى
قولوا على كيفكم
قولوا مش هيهمنا
حبنا راح يكبر
واحنا لبعضنا
قولتوا يا ما
قولتوا احنا أهه سوا
خليكم براحتكم
واكبر ، اكبر يا هوى
وامسكوا الخشب
يا حبايب امسكوا الخشب
لاحسن نتحسد يا
حبايب على أهون سبب
***
الزمان أهه روق
وابتسملنا
والسعادة الحلوة
لينا ومننا
والأمل أكتر
والحياة سكر
والأماني يا ناس
فاقت الأحزان
***
يا سلام يا هوا
ده احنا دوبنا سوا
والليالي الحلوة
للسهارى سوا
وخدني خدني لفوق
وخد معايا الشوق
نحكي أحلى كلام
ونسبق الأيام
- 1975 -
ليست هناك تعليقات:
إرسال تعليق
ضع تعليق وشاركنا بآرائك