عنابى - كارم محمود
كلمات: كامل الاسناوى | الحان: حلمى أمين
عنابي .. يا عنابي يا خدود الحليوة
أحبابي .. يا أحبابي يا رموش الحليوة
يرضيكوا الحليوة يسيبني للنار اللي بتدوبني
إيه قصده الحليوة
بتميل العيون على خده بتشاهد جناين ورده
ونسايم عبير بيعدوا لو فات الحليوة
بتهل الروايح منه وبيتقل علينا اكمنه
متأكد وعارف إنه قمورة وحليوة
وعيونه يا ناس آه يانا بتصحي قلوب نعسانة
يا مصبح عليه أمانة لا توصي الحليوة
وتقوله انه في أحباب فاتحين للمحبة الباب
من شوق الهوى الغلاب ولا جاش الحليوة
يا عيني عليك يا قلبي يا كاتم هواك ومخبي
لا تبوح للحليوه بحبي وانا مالي الحليوه
ولإمتى البعاد متقدر أنا بسأل عليه وبدور
والفكر بهواه متحير ولا جاش الحليوة
يرضيكوا الحليوة يسيبني للنار اللي بتدوبني
ايه قصده الحليوة
- 1967 -
ليست هناك تعليقات:
إرسال تعليق
ضع تعليق وشاركنا بآرائك