عاشق الروح - محمد عبد الوهاب
كلمات: حسين السيد | ألحان: محمد عبد الوهاب
ليه ليه ليه ليه، ياعين ليلي طال ـ ليه ليه ليه ليه، ياعيني دمعي سال
ياعيوني حبايبي ليه هجروني ـ ليه يناموا وانت تصحي ياعيوني.. ليه ليه!
ياليل عيني اشتكيت ـ من طول سهادي ياليل
وكام من فجر صحيته ـ وصحاني على عهودي
وحتى العين في غفلتها ـ بتصحى دموعها في خدودي
تسبح في الفضا شاغل ـ شغلني عن حطب عودي
وهبت وجودي علشانه ـ وعمري ماعشت لوجودي
ضحيت هنايا فداه ـ وحاعيش على ذكراه
هايم على دنياه ـ زي الضحى والليل
وكل ده وانت مش داري ـ ياناسيني وانا جنبك
حاولت كتير ابوح واشكي ـ واقرب شكوتي منك
ولقيتك في السما عالي ـ وانا في الارض مش طايلك
حضنت الشكوى في قلبي ـ وفطمت الروح على بابك
عشقت الحب في معبد ـ بنيته بروحي وكياني
وخليت الامل راهب ـ مالوش عندي امل تاني
أنور شمعتي لغيري ـ ونارها كاويه أحضاني
وابيع روحي فدا روحي ـ وانا راضي بحرماني
وعشق الروح مالوش اخر ـ لكن عشق الجسد فاني
- من أغاني فيلم غزل البنات 1949 -
ليست هناك تعليقات:
إرسال تعليق
ضع تعليق وشاركنا بآرائك