مسير الشمس - نجاة الصغيرة
كلمات: عبد الرحمن الابنودى | الحان: بليغ حمدى
مسير الشمس من تاني
تنور فوق سنين عمري
وتصبح غنوتي تاني من تاني
وترجع فرحتي ف صدري
وهايجيني الربيع الأخضر
شباب نشوان بيتمخطر
مسير الشمس يا غالي
وبكرة وردتي تطرح
ف يوم ما تعود مع النسمة
حبيبي بكرة راح أفرح
وأتعجب على القسمة
مسير الحب هايجيبك
تشيل الفرحة لحبيبك
وهايجيني الربيع الأخضر
شباب نشوان بيتمخطر
مسير الشمس يا غالي
سنة سنتين تغيب عني
لكن تهرب من الشوق فين
وأنا لو ناري تتعبني
راح أتحمل سنة وإتنين
لحد ماترجع الأيام
عليها شمس مش بتنام
وهايجيني الربيع الأخضر
شباب نشوان بيتمخطر
مسير الشمس يا غالي
- 1964 -
ليست هناك تعليقات:
إرسال تعليق
ضع تعليق وشاركنا بآرائك