اعمل معروف / الرقصة البلدى - محمد عبد المطلب ونعيمة عاكف
كلمات: وليم باسيلى | ألحان: محمد عبد الوهاب
أعمل معروف يا بو عود ملفوف
ياللي خدودك بلور مشطوف
حبك على فين ح يوديني
ياللي خدودك بلور مشطوف
حبك على فين ح يوديني
يا غزال بيجود يكسف هوليوود
ياللي حلوتك سكر معقود
حبك على فين ح يوديني
ياللي حلوتك سكر معقود
حبك على فين ح يوديني
يا عم يا مغنواتي نفسي أترجملك
بالرقص أنغام صبا وحجاز وأقسملك
بالرقص أنغام صبا وحجاز وأقسملك
بالرقص ح ترجمي دي حقّه تقليعة
دلوقتي ح تشوف وناس تشهد وسمّيعة
دلوقتي ح تشوف وناس تشهد وسمّيعة
يا أخوانا الرقص البلدي
دا بلدي يهز القلب يا هوه
دا بلدي يهز القلب يا هوه
ودا فن لطافة ورقه وذوق البيه
والباشا عشقوه
حركات غزل و آلام و عتاب بتخلي العقل يتوه
والرقص رواية بتمثلها عيون وخصور و قدود
دا أنا أحب الرقص البلدي وهوه البلدي أحبه يا هوه
حبك على فين ح يودّيني
حركات غزل و آلام و عتاب بتخلي العقل يتوه
والرقص رواية بتمثلها عيون وخصور و قدود
دا أنا أحب الرقص البلدي وهوه البلدي أحبه يا هوه
حبك على فين ح يودّيني
- من أغاني فيلم النمر 1952 -
ليست هناك تعليقات:
إرسال تعليق
ضع تعليق وشاركنا بآرائك