هو صحيح الهوى غلاب
ما اعرفش انا
والهجر قالوا مرار وعذاب
واليوم بسنة
جاني الهوى من غير مواعيد
وكل مادا حلاوته تزيد
ما احسبش يوم ح ياخدني بعيد
يمني قلبي بالأفراح
وارجع وقلبي كله جراح
ازاي يا ترى
اهو ده اللي جرى
وانا ما اعرفش
ما اعرفش انا
نظرة وكنت احسبها سلام وتمر قوام
اتاري فيها وعود وعهود وصدود وآلام
وعود لا تصدق ولا تنصان
عهود مع اللي ما لوهش امان
وصبر على ذله وحرمان
وبدال ما اقول حرمت خلاص
اقول يارب زدني كمان
ازاي يا ترى
اهو ده اللي جرى
وانا ما اعرفش
ما اعرفش انا
يا قلبي آه
الحب وراه
اشجان والم
واندم واتوب
وعلى المكتوب
ما يفدش ندم
ياريت انا اقدر اختار
ولا كنت اعيش بين جنة ونار
نهاري ليل وليلي نهار
اهل الهوى وصفوا لي دواه
لقيت دواه زود في اساه
ازاي يا ترى
اهو ده اللي جرى
وانا ما اعرفش
ما اعرفش انا
ليست هناك تعليقات:
إرسال تعليق
ضع تعليق وشاركنا بآرائك