بحبك صدقنى - وردة

بحبك صدقنى - وردة

كلمات: عبد العزيز سلام | ألحان: سيد مكاوى

Mp3 Format - CD Quality - 36.7 MB

   4shared - MediaFire

يا للي جمعت القلوب على الوداد و الميل 
ياللي وهبت الجمال وخلقت كل جميل
ياللي جعلت الغصون فوق الغصون بتميل
يارب ديم المحبة بين حبايبنا
علشان نغني سوا ونقول
يا ليل يا عيني ليلي يا عيني يا ليل
يا حبيبي بحِبّـَـكْ صَدَّقْـنِــي .. أحْلِفْـلـَـكْ ليـــه بِتكَـدِّبـْنِــي
هو أنا لَوْ أكونْ ما بَحِبَّكْشِي .. إيهْ عَالحِلفانْ راح يِغْصِبْنِي
يا حبيبي يا حبيبي يا حبيبي

صدّقنـــي وْصدق حِلْفــــانـِــي .. أنَا قلبــي مالوش غِيرَكْ تاني
واهِي سِيرْتَكْ دايما في خيالي .. وُتَمَلِّي يا روحي على لْساني
وإن بعــَــادَكْ طــــالْ .. يِبْقـَــى حالــي حـــالْ
وإن ما كَنْشِ ده حُبْ .. يِبْقـَـــى إيـــهْ اُمـَّـــالْ
ده سُؤالْ وعَلِيهْ اِنْتَ جَاوِبْنِـي هو أنا لَوْ أكونْ ما بَحِبَّكْشِي
إيهْ عَالحِلفانْ راح يِغْصِبْنِي يا حبيبي

لو تِبعِد عنـّي أفكـّـر فيـــك .. وأسرح مع لهفِة شوقي إليك
وإن جيتني الدُّنيا حَتِحْلالي .. وأتهنَّى معاك بجمال لياليــك
وأبقى فيك سرحانة .. تايهة مُش دريانة
وانت واخِدْ عقلـــي .. وفْ هواك ولهانة
وهواك يا حبيبي مْدَوِّبْـني
هو أنا لَوْ أكونْ ما بَحِبَّكْشِي
إيهْ عَالحِلفانْ راح يِغْصِبْنِي يا حبيبي

وحْياةْ حُبَّكْ عَندي يا غالي .. إنْتَ لْوَحْدَكْ بسِّ لْوَحْدَكْ شاغل بالي
من يوم ما قابِلْتَكْ وعْرِفْتَكْ .. مُشْ عَارْفَة أنــا إيــه اللـي جَرالـــي
شوفْ بِعِينَكْ شُوفْ .. قلـبــي لـَــكْ مَلهـــــوفْ
وفْ عيـنَيَّ كــــلامْ .. كـُلـّه حـُبْ وْخـُـــــوفْ
والحب مِنِ الخُوفْ دَوِّبْـني
هو أنا لَوْ أكونْ ما بَحِبَّكْشِي .. إيهْ عَالحِلفانْ راح يِغْصِبْنِي
يا حبيبي يا حبيبي يا حبيبي

- 1983 -

تابعنا على تويتر