حليم:
حاجة غريبة حاجة غريبة
الدنيا لها طعم جديد
حاجة غريبة حاجة غريبة
أنا حاسس ان ده يوم عيد
شادية:
وأنا حاسة الدنيا هربانة
ويانا فى ليل كله سعادة
ليها فرحة حلوة فى عنيّه
و حلاوتها سكرها زيادة
انتَ عارف ليه؟
حليم:
قولي لي انت ليه!
شادية:
علشان احنا مع بعضينا
و لأول مرة لوحدينا
و لاحدش بيبص علينا
غير فرحة قلبنا و عنينا
حليم:
حاجة غريبة حاجة غريبة
الليل ده كله كان امبارح
بيزيدني حرمان و أسية
اتغير ليه...اتغير ليه؟
حتى سواده ضي حنيّن فى عنيّه
شادية:
والنجمة دي أنا عارفاها
و تملي بأرقص وياها
بس الليل بتلمع أكتر و أنا سامعاها
اهي بتشاور بتشاور
اهي بتقرب بتقرب
أنا دلوقتي ماشية معاها
حاجة غريبة حاجة غريبة
انتَ كمان انا شايفاك ماشي و ياها
حليم:
انتِ عارفة ليه؟
شادية:
قول لي انتَ ليه!
حليم:
علشان احنا مع بعضينا
و لأول مرة لوحدينا
و لاحدش بيبص علينا
غير فرحة قلبنا و عنينا
حاجة غريبة
شادية:
حاجة غريبة حاجة غريبة
سامع؟ بتغني...انت سامعها؟
حليم:
أيوه سامعها...بتغني مع فرحة حبي
شادية:
والموجة اللى هناك دي بترقص؟
حليم:
أيوه شايفها
شادية:
دي بترقص على دقة قلبي
انتَ شايف؟ انت سامع؟ انت حااااااااااسس؟
حليم:
احساس غريب قبل النهار ده ما جربتوش
شادية:
و شعور جميل عمري فى حياتي ما عرفتوش
ايه اللى جرى لنا احنا بنحلم و لا بنحلم؟!
كلمني و قول!
حليم:
لو كان ده حلم يا ريته يطول
علشان نفضل نحلم كده علطول
شادية:
والدنيا تفضل هربانة
ويانا فى ليل كله سعادة
ليها فرحة حلوة فى عنيّه
و حلاوتها سكرها زيادة
شادية:
انتَ عارف ليه؟
حليم:
أيوه عارف ليه!
شادية و حليم بصوت واحد:
علشان احنا مع بعضينا
و لأول مرة لوحدينا
و لاحدش بيبص علينا
غير فرحة قلبنا و عنينا
حاجة غريبة!
ليست هناك تعليقات:
إرسال تعليق
ضع تعليق وشاركنا بآرائك