يا طبيب القلب - ليلى مراد
كلمات: فتحى قورة | الحان: منير مراد
يا طبيب القلب بقيت حبيب القلب
يا فايتني ونسيتني ما داويتني
من عذاب القلب
عينيّ فيها كلام آه لو قريته
وف قلبي شوق وغرام ياما داريته
يا طيف جميل فى منام وصحيت لقيته
خلتني أحب آلامي عشان تكون قدامي
يا فايتني ونسيتني..
حيرتني فى هواك ليلي ونهاري
يللي الدوا ويـّاك ولا انت داري
من كل قلبي أهواك وغلبت أداري
دي كلمة منك ليّ ترد روحي فىّ
يا فايتني ونسيتني...
صبرت عالحرمان و النوم جفاني
وجرح حبك كان سبب هواني
مابقاش فى قلبي مكان لجرح تاني
قول لي احبك قول وخلي عمري يطول
يا فايتني ونسيتني ما داويتني
من عذاب القلب
- من اغانى فيلم "الحبيب المجهول" 1955 -
ليست هناك تعليقات:
إرسال تعليق
ضع تعليق وشاركنا بآرائك