عايزنى اقولك ايه تانى - فايزة احمد
كلمات: عبد المنعم السباعى | الحان: رياض السنباطى
عايزني اقولك ايه تاني مانا قلت كتير
وهي حيرتي وحرماني عايزين تفسير
عايزني اقولك ايه وليه اقولها ليه
كفايه منك ما جراللي
عايزني اقولك ايه تاني
عايزني اقولك اني بحبك ودي عايزه كلام
ده عمري ضيعته فى حبك بين شوق وآلام
وغلبت اقولك انت حبيبي
وانت كانك ما انتش حبيبي
فاكر في نفسك ايه
عايزني اقولك ايه
كفايه منك ما جراللي
عايزني اقولك ايه تاني
عش الغرام اللي بنيته
وفرشته حنان فى لحظه فوته
وهديته وكأنه ما كان
والشوق كاويني وانت هاجرني
وللا ناسيني وللا فاكرني
فاكر في نفسك ايه
عايزني اقولك ايه
كفايه منك ما جراللي
عايزني اقولك ايه تاني
وحياة جمال حبنا اللي نسيته قوام
وحياة ليالي الهنا اللي بقت اوهام
ما نيش حاقولك وحياة شبابي
دي العين تدلك على عذابي
فاكر في نفسك ايه
عايزني اقولك ايه
كفايه منك ما جراللي
عايزني اقولك ايه تاني
- 1964 -
ليست هناك تعليقات:
إرسال تعليق
ضع تعليق وشاركنا بآرائك