فساتين الهنا - هدى سلطان
كلمات: فتحى قورة | الحان: محمود الشريف
فساتين الهنا شغل ايديا
رايحة الجميلات بيها وجاية
ومفيش افرح وليالى ملاح
الا اما تفوت قبلا عليا
اسم الله عليكي ده فستانك
راح ياكل من صدرك حتة
اهو ده اللي يكتر عرسانك
من بعد مفيش يبقوا ستة
متكشكش وحدة وقطيفة
اكمنك يا حبيبتي نحيفة
وبخصر نحيف يخطر ويميل
من غصن البان احلى شوية
يا سلام على الذوق وعلى الخفة
متفصل على بدر منور
واكمنه علشان ليلة الزفة
لابد مخرزر ومقور
ده عريسك هايقول الله
لو حتى مكنتيش جواه
وتهل عليه ويبان في عينيه
محتار من بين هي ومش هي
يا حلاوة الفستان ده عليكى
ولو انه طويل وعايز قصة
هايلم العرسان حواليكي
واللي مقدرتش عليه خاطبة
مهو في الامثال قالوا زمان
ده بتيجي على اهون فستان
والحب نصيب ونهار ما يصيب
يقلبها بدخلة وصباحية
- اغانى فيلم "المحتال" عام 1954 -
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك