اه يا عينى ع اللى بيدارى الغرام - ماهر العطار
كلمات: محمد حمزة | الحان: محمد الموجى
اه يا عينى ع اللى بيدارى الغرام
ويلاغينى فى العيون حسن الكلام
لما اغيب عن عينه يتلفت عليا
واما بيشوفنى بيتدارى قوام
يا سلام اه يا عينى
اللى جوة قلبه كله والله عارفه
قبل ما ينطق كلمة من شفايفه
ليه يدارى حبه عنى وليه يخبى
والغرام من بين عيونه كله شايفه
يا سلام اه يا عينى
مستحيل راح يجى يوم واروح اقوله
شوقى وحده هو اكبر شئ يدله
هو فاكر ان قلبى يهون عليا
اديهوله علشان يجيله يوم يذله
يا سلام اه يا عينى
من زمان وحياة عيونه قلبى عنده
مش يفكر انه مشغول بيا وحده
كل همسة ببقى حاسس بيها قبله
وابقى عارف وابقى فاهم كل قصده
يا سلام اه يا عينى
- 1965 -
ليست هناك تعليقات:
إرسال تعليق
ضع تعليق وشاركنا بآرائك