متكلمنيش عنه - نازك
كلمات: فتحى قورة | الحان: عبد العظيم محمد
متكلمنيش متفكرنيش
متكلمنيش عنه
متفكرنيش بيه
انا قلبى هرب منه
وارتاح من لياله
ايامى اللى قضيتها
استنى اللى شاغلنى
عديتها ولقيتها
من اول ما قابلنى
واليوم اللى يروح
يزيد جرحى جروح
دلوقتى خلاص قلبى
لا هايبكى ولا ينوح
عن حبى وحبه متكلمنيش
وان قولت بحبه متصدقنيش
الليل ارتاح منى
ونجومه اللى واسونى
حتى اسألهم عنى
تلاقيهم نسيونى
لا دموعى على خدودى
ولا بتدبل على عودى
والفجر بقى يجينى
ميحس بوجودى
عن حبى وحبه متكلمنيش
وان قولت بحبه متصدقنيش
الشوق بينى وبينه
مسانى وصبحنى
كان املى ومنى عينى
يرتاح ويريحنى
ونسيت اللى نسينى
ولا فكرش يجينى
وانا ابيع اللى بايعنى
واشترى اللى شارينى
عن حبى وحبه متكلمنيش
وان قولت بحبه متصدقنيش
- 1961 -
ليست هناك تعليقات:
إرسال تعليق
ضع تعليق وشاركنا بآرائك