الحلو ماله سايق دلاله - محمد قنديل
كلمات: محمد على احمد | الحان: على فراج
الحلو ماله سايق دلاله
و القلب دايـما يعشق جماله
إن كان عليكم ولا علينا
كاس المحبة داير علينا
مهما افترقنا ولا التفينا
و مهما قلتم ومهما قالوا
الحلو ماله سايق دلاله
كتير قاسينا وكتير صبرنا
وكتير وفينا للى هجرنا
بعت رســـوله لما افتكرنا
يشرح غرامه ويشكى حاله
الحلو ماله سايق دلاله
غايبين علينا سائلين عليكم
و من المعزة حلفنا بيكم
وإن بعتوا والله عشمنا فيكم
الليل وياما هيطول مطاله
الحلو ماله سايق دلاله
و القلب دايـما يعشق جماله
- 1953 -
ليست هناك تعليقات:
إرسال تعليق
ضع تعليق وشاركنا بآرائك