حقك عليا / يهجر ويعمل عمايله - محمد عبد المطلب
كلمات: على الفقى | الحان: على فراج
يهجر ويعمل عمايله
واشوف كتير فى غرامه
وكل ما يشوفنى احايله
يزيد فى هجره وخصامه
وانسى علشانه الاسية
ويبقى محقوق ليا
واقوله حقك عليا
ولما ينسى ويهجر
الدنيا تقسى عليا
واعيش فى حيرة وعذاب
وامنى نفسى واصبر
قلبى واسأل عينيا
واقرا فى دموعها الجواب
واروح لحده واصالحه
ومهما يعمل اسامحه
وكل ما يشوفنى احايله
يزيد فى هجره وخصامه
وانسى علشانه الاسية
ويبقى محقوق ليا
واقوله حقك عليا
والدنيا لما يصافينى
بتبقى جنة فى عيونى
كل اللى فيها حبايب
ويوم ما اشوفه يوافينى
ساعتها انسى شجونى
ولا حتى افكر اعاتب
وطول ما هو مراعينى
والدنيا حلوة فى عينى
وكل ما يشوفنى احايله
يزيد فى هجره وخصامه
وانسى علشانه الاسية
ويبقى محقوق ليا
واقوله حقك عليا
- 1960 -
ليست هناك تعليقات:
إرسال تعليق
ضع تعليق وشاركنا بآرائك