يا زين الاحبة - محمد قنديل
كلمات: عبد الفتاح عسل | الحان: محمود الشريف
يا زين الاحبة يا سر انشغالى
رسول المحبة سهرنى الليالى
بين شوقى وحنينى سهران ويا عينى مشغول الفؤاد
والاقاك يا ناسينى تبعتلى تواسينى بخيال الوداد
وكل ما اعاتبك واقولك واحاسبك
على اللى راح من عمرى معاك
تتبسم وقلبك ناسى اللى انشغل بك
اكمنه قال على سر هواك
بين الاحبة مفيش مثالك
وانا اللى قلبى اسير جمالك
يا زين الاحبة يا سر انشغالى
رسول المحبة سهرنى الليالى
فين نظرة عيونك فين ايام حنينك فين عهدى معاك
ونسيت ليه يا قاسى وفايتنى اقاسى ايامى فى هواك
والقلب اللى حبك خلانى بحبك
اسهر معاه فى ليالى هواه
اكمنه انشغل بك
بيفكرنى فى قربك
والعين تقول لخيال شايفاك
بين الاحبة مفيش مثالك
وانا اللى قلبى اسير جمالك
يا زين الاحبة يا سر انشغالى
رسول المحبة سهرنى الليالى
ابعتلك سلام مع نسمة غرامى واسالها عليك
واستنى الامانى وملاقيش غير حنانى زاد شوقى اليك
اسهر ويا قلبى والوجد اللى فاض بى
بيزيد عذابى فى ليل نجواك
مقدرتش اخبى وحكيتلك بحبى
والقلب غنى بلحن هواك
بين الاحبة مفيش مثالك
وانا اللى قلبى اسير جمالك
يا زين الاحبة يا سر انشغالى
رسول المحبة سهرنى الليالى
- 1956 -
ليست هناك تعليقات:
إرسال تعليق
ضع تعليق وشاركنا بآرائك