سحابة صيف - شهرزاد
كلمات: محمد على احمد | الحان: منير مراد
من فضلك حبة حنية
روق واهدى شوية شوية
نتفاهم قبلة ونتصافى
دى سحابة صيف ومعدية
اسمحلى اعاتبك وافتحلك
قلبى اللى تملى بيرتاحلك
واسمعنى هاقولك يا حبيبى
كلمة من القلب بتندهلك
على بعدك مش ممكن هاقدر
وغلاوتك عندى ما تتقدر
نتفاهم قبلة ونتصافى
دى سحابة صيف ومعدية
من فضلك حبة حنية
من فضلك انا قلبى حنين
وانت اللى ماليه بالحنية
وان كان البعد عليك هين
انا بعدك ميهونش عليا
انا مستغناش ابداً عنك
ولا قلبى فى يوم يغضب منك
نتفاهم قبلة ونتصافى
دى سحابة صيف ومعدية
من فضلك حبة حنية
بقى كلمة تخليك تتغير
يرضيك انسى او تنسانى
وتعيش مع قلبك متحير
من فينا المحقوق للتانى
لا كلام الناس هايقسينى
ولا كتر اللوم هاينسينى
نتفاهم قبلة ونتصافى
دى سحابة صيف ومعدية
من فضلك حبة حنية
- 1966 -
ليست هناك تعليقات:
إرسال تعليق
ضع تعليق وشاركنا بآرائك