سهرانين الليل بطوله - محمد رشدى
كلمات: عبد الرحمن الابنودى | الحان: حلمى بكر
سهرانين الليل بطوله
الليل طويل يا حبيبى ازاى
ده سارح كأنه ندهة ناى
ضايع ما بين خجلك وحياى
وانا والليالى سهرانين
تسهر واسهرلك للصباح
ياللى عينيك تشفى الارواح
فات العشاء والفجر اهو لاح
وانا وعيونى سهرانين
الرقة عندك اول طبع
وده اللى احبه انا بالطبع
على قلبى طابع صورتك طبع
وانا وعيونى سهرانين
لو قلبى من السنة متألم
يطيب لو انت بتتكلم
طولت النجوم من غير سلم
واحنا يا حبايب سهرانين
حبيبى يا تمر الحنة
الليل صبح واحد منا
سهر علشان احنا سهرنا
وانا والليالى سهرانين
وطول ما ليل ورا ليل بيفوت
انا بحب كلامك موت
وبفهمه لو من غير صوت
لو ملتى يا دنيا
سهرانين الليل بطوله
- 1987 -
ليست هناك تعليقات:
إرسال تعليق
ضع تعليق وشاركنا بآرائك