ده كتير والله يا قلبى - عادل مأمون
كلمات: هانى نور الدين | الحان: عبد المنعم الحريرى
Mp3 Format - CD Quality - 4.94 MB
ده كتير والله يا قلبى علينا
ايوة كتير والله كتير
وياما شوفنا كتير بعنينا
من الايام ومن التفكير
ده كتير والله يا قلبى
اوعى يا قلبى تقول لحبيبك
راح يخلصلك ويهنيك
مهما يقولك او يحكيلك
احسن يرجع يغدر بيك
ياما زمان صدقنا كلامه
تهنا يا قلبى سوا فى اوهامه
وياما شوفنا كتير بعنينا
من الايام ومن التفكير
ده كتير والله يا قلبى
هو يا قلبى تملى ناسينا
واحنا تملى نفكر فيه
وفى قربنا بتسعد ليالينا
بعد ده كله هانعمل ايه
اتعود دايما يجرحنا
ولا فكرش فى يوم يفرحنا
وياما شوفنا كتير
بعنينا من الايام ومن التفكير
ده كتير والله يا قلبى
صدقنى يا قلبى وطاوعنى
لو نبعد يمكن نرتاح
ده فراقه ياما هايألمنى
والليل مبيحرمش جراح
جرحنا ودارينا دموعنا
وان قولنا الاه مين يسمعنا
وياما شوفنا كتير
بعنينا من الايام ومن التفكير
ده كتير والله يا قلبى
ليست هناك تعليقات:
إرسال تعليق
ضع تعليق وشاركنا بآرائك