يا لابسة الحلق - محمد عبد المطلب
كلمات: سعد عبد الرحيم | الحان: سيد مكاوى
يا لابسة الحلق واللبة
مرسالى سلام ومحبة
مرسال الغرام وصيته
وبحبك ياما اترجيته
ده السر فى قلبى داريته
ولا عمر الغرام يتخبى
التوب من الهوى وجمالك
بيدارى على خلخالك
وبحبك افاتح خالك
واتكلم فى مهرك حبة
انا قلبى يا غالية اختارك
هايصونك ويفضل جارك
واهى دارى هاتصبح دارك
وتزيدى المحبة محبة
هاتعيشى فى سعادة جمبى
وهواكى هاشيله فى قلبى
يا زهرة فى دنيا حبى
وغرامها فى قلبى اتربى
يا لابسة الحلق واللبة
مرسالى سلام ومحبة
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك