فرحة رمضان / افرحوا يا بنات - الثلاثى المرح
كلمات: كمال عبد الهادى | الحان: على اسماعيل
افرحوا يا بنات يا للا وهيصوا
رمضان اهه نور فوانيسه
يا حلاوة التين.. الله الله
والقمر الدين.. الله الله
واكياس النوقل وقراطيسه… هيه
افرحوا يا بنات.. هيييييه
هيصوا يا بنات.. هييييه
فى المغربيه راح نفطر
ساعة أدان الله أكبر
ونعلى حسنا ونقول هيه.. هيه هيه
ونجرى ع البيت نتنطط
وقلوبنا م الفرحه تزقطط
ونقول لبعضنا رمضان جه.. هيه هيه
افرحوا يا بنات يا للا وهيصوا
فوانيسنا دايما هتنور
ونلف فى الحارة ندور
على الأهالى نهنيهم.. هيه هيه
وهم يدونا العادة
ونشتري شمع زيادة
نولع الفوانيس بيهم.. هيه هيه
افرحوا يا بنات يا للا وهيصوا
بعد الفطار دوغرى نحلي
بكنافته وقطايفه تملي
وكل يوم أفراحنا تزيد.. هيه هيه
يفوت علينا قوام يجري
نقةل له لسه عليك بدرى
يقول دا جاي ورايا العيد.. هيه هيه
افرحوا يا بنات يا للا وهيصوا
- 1964 -
تابعنا على تويتر
ليست هناك تعليقات:
إرسال تعليق
ضع تعليق وشاركنا بآرائك